Rumpel-Stilze 2010
Willkomme bi de Rumpel-Stilze
Flyer Fasnacht 2012
Mir sind d‘Rumpel-Stilze, ihr kennet eus jo, mir sind scho die 3ti Fasnacht do! Inzwüsche 14 vo gross bis chli, und stets mit Freud a dr Fasnacht derbi! Au unterem Johr düemer durs Städtli flaniere, doch denn müend mir sicher d‘Ghörschütz montiere. S‘wird pressluftghammeret, klopft und grabe, vom Storchenäscht bis zur Rhybrugg abe!
Und wottsch no uf em Inseli go d‘Sunne gniesse, muesch di, wills gsperrt isch, für s‘Heigoh entschliesse. Die Saniererei isch cheibe glatt, in neuem Glanz erschiint eusi Stadt! Möchtsch denn au Du dich saniere loh, muesch eifach ins Parkhotel ufe goh. E grössere Buuse, gradi Nase und d‘Lippe voller, do kriege mir Stilze jo gli de Koller!
Gohsch mit de Chind uf e Spielplatz Stadtpark West, triffsch dört in Zuekunft uf d‘Beauty-Gäscht. Viellicht isch jo mol e Berüemtheit derbi, muesch eifach ab jetzt echli ufmerksam si! Doch au mir sind schöner worde, ihr gsehnd´s eus a, händ für wenig Gäld e Starcoifför ka! Und will d‘Stadtverschönerig wird witer goh, sind mir das Johr als Bauarbeiter do!
Doch eusi Sterchi liggt nit im saniere, drum bliebe mir witerhin bim musiziere! Mir wünsche e „schöni“ Fasnacht!! Euchi Rumpel-Stilze