Rumpel-Stilze 2010
Willkomme bi de Rumpel-Stilze
Flyer Fasnacht 2016
Ganz nach em Motto: MIR PFYFFE DRUFF ! hämmer‘s das Joor mit em Reime welle loh…. …….doch es git scho Sache wo eus stööre und die müend ihr jetzt glich no ghöre: Z’Rhyfälde hets efang Wohnige zum versaue, doch es wird no meh, no meh und no meh baue. Im Herbst hämmer welle Drache lo stiige aber me findet nur no Wohnige, ganz gediiiige. Kei freis Fäld meh oder e Wiise wo de chasch si, die Zite sind definitiv verbi. S’Verkehrskonzept finde mir au zum schreie, jede Obe Stau Richtig K’Augst, s’isch zum duregheie. Möchtsch Kollege in Rhyfälde mit dem Auto bsueche, chasch lang nacheme Parkplatz sueche wo nach em erste Kaffi nit scho wieder muesch goh und de Charre länger als e halb Stund chasch lo stoh.
Und: Unglaublichs isch chürzlich im Bahnhofsaal passiert!! …und het uns alli ganz stark iritiiert. Wotsch z’Rhyfälde Adrenalin, muesch ad Gemeini goh, die Letzscht het uns fascht de Atem gnoh. Was dört erläbt hesch, isch allerhand. Für euses Demokratieverständnis - e riise Schand!! No e Hiiwis: Mit de Schlof(alt)stadt isch’s die nexte Täg verbi, mir wärde musikalisch lut und klangvoll si. Nur so chönne mir de Winter richtig vertriibe oder wottsch öbbe s’ganz Joor im Skiazug bliibe? Howgh, mir händ gsproche und……. ……………wünsche e schöni Fasnacht 2016!!! Euchi Rumpel-Stilze www.rumpel-stilze.ch