Rumpel-Stilze 2010
Willkomme bi de Rumpel-Stilze
Flyer Fasnacht 2020
Unglaublich isch‘s und fascht nit wohr, eus Rumpel-Stilze git‘s sit 10 Joor. Drum düemer a dere Fasnacht jubiliere und mit Stolz dur euses Städtli flaniere. 7 Stilze (nit Zwärge) simmer zu Beginn gsi doch die Zite sind längschtens verbi. Hüt zelle mir 23 grossi und chlini Persone, wo de närrische Fasnachtstäg düend biwohne. Sit em 2011 hämmer ame au d‘Instrument derbi, denn….. mir chönnes eifach nit lo si. Eus allne liggt de Rhythmus im Bluet, musiziere macht Freud und tuet eifach guet! Z’erkenne wer mir sind, isch nit so schwär, mir chömme mit em Koschtüm wie im Gründigsjoor dehär.
Und jetzt no zum Schluss: Mir sind soooo froh…..ändlich isch si verbi, die laaangi Diskussion über de Stäg am Rhy. „Nice to have“ wär er sicher gsi, doch für so viel Gäld? – Das muess nit si! Mir hätte e Idee – e Färimaa....., dä wär sicher au günschtiger z’ha. „Chum übere“ rüeft er sehr charmant und füehrt di as andere Ufer ganz elegant. E schöni Fasnacht wünsche euch d‘Rumpel-Stilze Rhyfälde www.rumpel-stilze.ch